ਐਡਮੰਟਨ
– ਫੇਅਰਵਿਊ, ਅਲਬਰਟਾ ਨੇੜੇ ਸੁ਼ੱਕਰਵਾਰ ਨੂੰ ਮਾਰੀ ਗਈ ਮੋਟਰਸਾਈਕਲਿਸਟ ਸੱਤ ਬੱਚਿਆਂ ਦੀ ਸਿੰਗਲ ਮਾਂ ਸੀ ਤੇ ਉਹ ਇੱਕ ਬਿਜ਼ਨਸ ਵੁਮਨ ਦੇ ਨਾਲ ਨਾਲ ਵਾਲੰਟੀਅਰ ਫਾਇਰਫਾਈਟਰ ਵੀ ਸੀ।
42 ਸਾਲਾ ਚੈਂਟਲ ਜੈਡਟ ਉਸ ਸਮੇਂ ਰੈੱਡ ਅਰਥ ਕ੍ਰੀਕ ਵਿੱਚ ਆਪਣੇ ਕੰਮ ਤੋਂ ਗ੍ਰੈਂਡ ਪ੍ਰੇਰੀ, ਅਲਬਰਟਾ ਸਥਿਤ ਆਪਣੇ ਘਰ ਪਰਤ ਰਹੀ ਸੀ ਜਦੋਂ ਇਹ ਹਾਦਸਾ ਵਾਪਰਿਆ। ਆਰਸੀਐਮਪੀ ਦਾ ਕਹਿਣਾ ਹੈ ਕਿ ਦੋ ਮੋਟਰਸਾਈਕਲ ਦੱਖਣ ਵੱਲ ਜਾ ਰਹੇ ਸਨ ਤੇ ਉੱਤਰ ਵੱਲ ਜਾ ਰਹੇ ਇੱਕ ਪਿੱਕਅੱਪ ਟਰੱਕ ਦੀ ਉਨ੍ਹਾਂ ਨਾਲ ਟੱਕਰ ਹੋ ਗਈ।ਮਾਊਂਟੀਜ਼ ਅਨੁਸਾਰ ਜੈਡਟ ਨੂੰ ਮੌਕੇ ਉੱਤੇ ਹੀ ਮ੍ਰਿਤਕ ਐਲਾਨ ਦਿੱਤਾ ਗਿਆ ਹੈ। ਟਰੱਕ ਦੇ ਡਰਾਈਵਰ ਤੇ ਦੂਜੇ ਮੋਟਰਸਾਈਕਲ ਦੇ ਡਰਾਈਵਰ ਨੂੰ ਕੋਈ ਸੱਟ ਫੇਟ ਨਹੀਂ ਲੱਗੀ।
ਪਰਿਵਾਰਕ ਮੈਂਬਰਾਂ ਨੇ ਦੱਸਿਆ ਕਿ ਜੈਡਟ ਰੈੱਡ ਅਰਥ ਕ੍ਰੀਕ ਵਿੱਚ ਹੀ ਵੱਡੀ ਹੋਈ ਤੇ ਉਸ ਦਾ ਆਪਣਾ ਗੈਸ ਸਟੇਸ਼ਨ ਸੀ ਤੇ ਉਹ ਵਾਲੰਟੀਅਰ ਫਾਇਰਫਾਈਟਰ ਸੀ। ਉਸ ਦੇ ਬੱਚਿਆਂ ਦੀ ਉਮਰ ਤਿੰਨ ਸਾਲ ਤੋਂ ਲੈ ਕੇ 19 ਸਾਲ ਤੱਕ ਹੈ।ਆਰਸੀਐਮਪੀ ਦਾ ਕਹਿਣਾ ਹੈ ਕਿ ਅਜੇ ਤੱਕ ਹਾਦਸੇ ਦੇ ਕਾਰਨਾਂ ਦੀ ਜਾਂਚ ਚੱਲ ਰਹੀ ਹੈ।
ਮੋਟਰਸਾਈਕਲ ਹਾਦਸੇ ਵਿੱਚ 7 ਬੱਚਿਆਂ ਦੀ ਮਾਂ ਦੀ ਹੋਈ ਮੌਤ
