ਕੈਨੇਡੀਅਨ ਇੰਪੀਰੀਅਲ ਬੈਂਕ ਆਫ ਕਾਮਰਸ ਨੇ ਨਵਦੀਪ ਬੈਂਸ ਜੋ ਪਹਿਲਾਂ ਦੇਸ਼ ਦੇ ਸਾਬਕਾ ਇਨੋਵੇਸ਼ਨ, ਸਾਇੰਸ ਅਤੇ ਉਦਯੋਗ ਮੰਤਰੀ ਸਨ, ਨੂੰ ਗਲੋਬਲ ਇਨਵੈਸਟਮੈਂਟ ਬੈਂਕਿੰਗ ਦਾ ਵਾਈਸ ਚੇਅਰਮੈਨ ਨਿਯੁਕਤ ਕੀਤਾ ਹੈ।
ਟੋਰਾਂਟੋ ਸਥਿਤ ਸੀ. ਆਈ. ਬੀ. ਸੀ. ਨੇ ਸੋਮਵਾਰ ਨੂੰ ਇਕ ਬਿਆਨ ਵਿਚ ਕਿਹਾ ਕਿ ਬੈਂਸ 4 ਅਕਤੂਬਰ ਨੂੰ ਬੈਂਕ ਵਿਚ ਸ਼ਾਮਲ ਹੋਣਗੇ। 44 ਸਾਲਾ ਬੈਂਸ ਨੇ 2015 ਵਿਚ ਇਸ ਸਾਲ ਦੀ ਸ਼ੁਰੂਆਤ ਤੱਕ ਪ੍ਰਧਾਨ ਮੰਤਰੀ ਜਸਟਿਨ ਟਰੂਡੋ ਦੇ ਉਦਯੋਗ ਮੰਤਰੀ ਦੇ ਰੂਪ ਵਿਚ ਕੰਮ ਕੀਤਾ। ਉਨ੍ਹਾਂ ਨੇ ਐਲਾਨ ਕੀਤਾ ਸੀ ਕਿ ਉਹ ਸਿਆਸਤ ਵਿਚ ਲਗਭਗ 17 ਸਾਲਾਂ ਬਾਅਦ ਆਪਣੇ ਪਰਿਵਾਰ ਨਾਲ ਵੱਧ ਸਮ੍ਹਾਂ ਬਿਤਾਉਣ ਲਈ ਅਹੁਦਾ ਛੱਡ ਰਹੇ ਹਨ।
ਬੈਂਸ ਪਹਿਲੀ ਵਾਰ 2004 ਵਿਚ ਟੋਰਾਂਟੋ ਦੇ ਇਕ ਪ੍ਰਮੁੱਖ ਉਪਨਗਰ ਤੋਂ ਚੁਣੇ ਗਏ ਸਨ ਅਤੇ 2011 ਤੱਕ ਉਸ ਦੀ ਅਗਵਾਈ ਕੀਤੀ ਜਦੋਂ ਲਿਬਰਲਸ ਨੂੰ ਆਪਣੇ ਸਭ ਤੋਂ ਖਰਾਬ ਅਕਸ ਕਾਰਨ ਚੁਣਾਵੀ ਹਾਰ ਦਾ ਸਾਹਮਮਾ ਕਰਨਾ ਪਿਆ ਸੀ। ਉਨ੍ਹਾਂ ਨੇ 2015 ਵਿਚ ਦੁਬਾਰਾ ਜਿੱਤ ਹਾਸਲ ਕੀਤੀ। ਜਦੋਂ ਟਰੂਡੋ ਨੇ ਪਾਰਟੀ ਨੂੰ ਤੀਜੇ ਸਥਾਨ ’ਤੇ ਲਿਆ ਦਿੱਤਾ ਸੀ। ਉਸ ਵੇਲੇ ਸਿੰਘ ਦੂਰਸੰਚਾਰ ਅਤੇ ਵਿਦੇਸ਼ੀ ਟੇਕਓਵਰ ਜਿਹੇ ਮੁੱਦਿਆਂ ’ਤੇ ਟਰੂਡੋ ਦੇ ਪ੍ਰਮੁੱਖ ਮੰਤਰੀ ਬਣੇ। ਸੀ. ਆਈ. ਬੀ. ਸੀ. ਦਾ ਕਹਿਣਾ ਹੈ ਕਿ ਸਿਆਸਤ ਵਿਚ ਆਉਣ ਤੋਂ ਪਹਿਲਾਂ ਬੈਂਸ ਨੇ ਇਕ ਵਿੱਤੀ ਵਿਸ਼ਲੇਸ਼ਕ ਦੇ ਰੂਪ ਵਿਚ ਆਪਣਾ ਕੈਰੀਅਰ ਸ਼ੁਰੂ ਕੀਤਾ ਸੀ।