ਗ੍ਰਾਂ ਪੀ ਬੈਡਮਿੰਟਨ ਲੀਗ (ਜੀਪੀਬੀਐੱਲ) ਦੇ ਸ਼ੁਰੂਆਤੀ ਗੇੜ ਲਈ ਲਗਭਗ 200 ਖਿਡਾਰੀਆਂ ਦੀ ਨਿਲਾਮੀ ਐਤਵਾਰ ਨੂੰ ਇੱਥੇ ਕਰਵਾਈ ਜਾਵੇਗੀ। ਜੀਪੀਬੀਐੱਲ ਵਿਚ ਅੱਠ ਫਰੈਂਚਾਈਜ਼ੀ, ਬੈਂਗਲੁਰੂ ਲਾਇਨਜ਼, ਮੇਂਗਲੋਰ ਸ਼ਾਰਕਸ, ਮੰਡਯਾ ਬੁਲਜ਼, ਮੈਸੂਰ ਪੈਂਥਰਸ, ਮਲਨਾਡ ਫਾਲਕੰਸ, ਬੰਡੀਪੁਰ ਟਸਕਰਸ, ਕੇਜੀਐੱਫ ਵਾਲਵਜ਼ ਤੇ ਕੋਡਾਗੂ ਟਾਈਗਰਜ਼ ਖੇਡਣਗੀਆਂ। ਹਰੇਕ ਟੀਮ ਵਿਚ ਸਟਾਰ ਮੇਂਟਰ ਹਨ ਜਿਸ ਵਿਚ ਕਿਦਾਂਬੀ ਸ਼੍ਰੀਕਾਂਤ, ਸਾਈ ਪ੍ਰਣੀਤ, ਅਸ਼ਵਿਨੀ ਪੋਨੱਪਾ, ਚਿਰਾਗ ਸ਼ੈੱਟੀ, ਸਾਤਵਿਕਸਾਈਰਾਜ ਰੈਂੱਕੀਰੈੱਡੀ, ਐੱਚਐੱਸ ਪ੍ਰਣਯ, ਪੀਵੀ ਸਿੰਧੂ ਤੇ ਜਵਾਲਾ ਗੱਟਾ ਸ਼ਾਮਲ ਹਨ। ਹਰੇਕ ਟੀਮ ਵਿਚ ਵੱਧ ਤੋਂ ਵੱਧ ਅੱਠ ਖਿਡਾਰੀ ਹੋਣਗੇ।
200 ਖਿਡਾਰੀਆਂ ਦੀ ਹੋਵੇਗੀ ਜੀਪੀਬੀਐੱਲ ਲਈ ਨਿਲਾਮੀ
