ਸੱਤਾ ਵਿੱਚ ਆਉਣ ਤੇ ਅਮਰੀਕਾ ਫਿਰ ਬਣੇਗਾ ਡਬਲਿਊ.ਐਚ.ਓ ਮੈਂਬਰ : ਬਿਡੇਨ

ਹੁਣ ਤੱਕ ਵਿਸ਼ਵ ਵਿੱਚ 1 ਕਰੋੜ 19 ਲੱਖ 48 ਹਜ਼ਾਰ 244 ਵਿਅਕਤੀ ਕੋਰੋਨਵਾਇਰਸ ਤੋਂ ਸੰਕਰਮਿਤ ਹੋਏ ਹਨ। ਇਨ੍ਹਾਂ ਵਿਚੋਂ 68 ਲੱਖ 49 ਹਜ਼ਾਰ 76 ਵਿਅਕਤੀ ਠੀਕ ਹੋ ਚੁੱਕੇ ਹਨ। ਇਸ ਦੇ ਨਾਲ ਹੀ 5 ਲੱਖ 46 ਹਜ਼ਾਰ 547 ਲੋਕਾਂ ਦੀ ਮੌਤ ਹੋ ਚੁੱਕੀ ਹੈ। ਅਮਰੀਕਾ ਨੇ ਮੰਗਲਵਾਰ ਨੂੰ ਅਧਿਕਾਰਤ ਤੌਰ ‘ਤੇ ਆਪਣੇ ਆਪ ਨੂੰ ਵਿਸ਼ਵ ਸਿਹਤ ਸੰਗਠਨ (ਡਬਲਯੂ.ਐਚ.ਓ.) ਤੋਂ ਵੱਖ ਕਰ ਲਿਆ। ਰਾਸ਼ਟਰਪਤੀ ਦੇ ਡੈਮੋਕਰੇਟ ਉਮੀਦਵਾਰ ਜੋ ਬਿਡੇਨ ਨੇ ਇਸ ਫੈਸਲੇ ਨੂੰ ਗਲਤ ਦੱਸਿਆ ਹੈ।ਉਸਨੇ ਟਵੀਟ ਕੀਤਾ, ਜਦੋਂ ਤੱਕ ਅਮਰੀਕਾ ਵਿਸ਼ਵ–ਵਿਆਪੀ ਸਿਹਤ ਪ੍ਰਣਾਲੀ ਨੂੰ ਮਜ਼ਬੂਤ ਕਰਨਾ ਜਾਰੀ ਰੱਖੇਗਾ, ਅਮਰੀਕੀ ਲੋਕ ਸੁਰੱਖਿਅਤ ਰਹਿਣਗੇ। ਜਦੋਂ ਮੈਂ ਰਾਸ਼ਟਰਪਤੀ ਬਣਾਂਗਾ ਤਾਂ ਪਹਿਲੇ ਹੀ ਦਿਨ ਮੈਂ ਡਬਲਯੂ.ਐਚ.ਓ. ਵਿੱਚ ਸ਼ਾਮਲ ਕਰਾਂਗਾ। ਮੈਂ ਵਿਸ਼ਵ ਮੰਚ ‘ਤੇ ਅਮਰੀਕਾ ਦੀ ਅਗਵਾਈ ਬਹਾਲ ਕਰਾਂਗਾ।