ਸੂਬੇ ਦੇ ਹਾਲਾਤ ਸੁਧਰ ਰਹੇ ਹਨ : ਕੇਨੀ

ਅਲਬਰਟਾ ਦੇ ਪ੍ਰੀਮੀਅਰ ਜੇਸਨ ਕੇਨੀ ਦਾ ਕਹਿਣਾ ਹੈ ਕਿ ਸੂਬੇ ‘ਚ ਕੋਵਿਡ-19 ਸਬੰਧੀ ਹਾਲਾਤ ਹੌਲੀ-ਹੌਲੀ ਸੁਧਰ ਰਹੇ ਹਨ ਅਤੇ ਹਸਪਤਾਲਾਂ ‘ਚ ਮਰੀਜ਼ਾਂ ਦੀ ਗਿਣਤੀ ਘਟਣੀ ਸ਼ੁਰੂ ਹੋ ਗਈ ਹੈ। ਕੇਨੀ ਨੇ ਕਿਹਾ ਪਿਛਲੇ ਹਫ਼ਤੇ ਏ.ਐਚ.ਐਸ. ਵਲੋਂ ਜਾਰੀ ਮਾਡਲ ‘ਚ ਜੋ ਅੰਕੜੇ ਦਰਸਾਏ ਗਏ ਹਨ ਅਸੀਂ ਉਸ ਦੇ ਮੁਕਾਬਲੇ ਬਹੁਤ ਸੁਧਾਰ ਕਰ ਗਏ ਹਾਂ। ਉਨ੍ਹਾਂ ਕਿਹਾ ਸੂਬੇ ‘ਚ ਹੁਣ ਤੱਕ 89,144 ਲੋਕਾਂ ਦੇ ਕੋਵਿਡ-19 ਸਬੰਧੀ ਟੈਸਟ ਹੋ ਚੁੱਕੇ ਹਨ ਅਤੇ ਇਸ ਦੀ ਰੋਜ਼ਾਨਾਂ ਦਰ 1974 ਹੈ। ਕੇਨੀ ਨੇ ਕਿਹਾ ਅਸੀਂ ਰੋਜ਼ਾਨਾ 4000 ਟੈਸਟ ਕਰਨ ਦਾ ਟੀਚਾ ਰੱਖਿਆ ਹੈ।