ਅਲਬਰਟਾ ਦੇ 70% ਕੋਵਿਡ-19 ਦੇ ਕੇਸ ਕੈਲਗਰੀ ‘ਚੋਂ, ਸੂਬੇ ‘ਚ ਰੁਕਿਆ ਮੌਤ ਦਾ ਸਿਲਸਿਲਾ

ਕੈਲਗਰੀ : ਅਲਬਰਟਾ ‘ਚ ਪਿਛਲੇ 24 ਘੰਟਿਆਂ ‘ਚ 239 ਨਵੇਂ ਕੋਵਿਡ-19 ਦੇ ਮਿਲੇ ਹਨ। ਅਲਬਰਟਾ ‘ਚ ਹੁਣ ਕੋਰੋਨਾਵਾਇਰਸ ਦੇ ਕੁਲ ਕੇਸ 2397 ਹੋ ਗਏ ਹਨ। ਸ਼ੁੱਕਰਵਾਰ ਸੂਬਾਈ ਅਪਡੇਟ ਦੌਰਾਨ ਸਿਹਤ ਵਿਭਾਗ ਦੀ ਮੁੱਖ ਮੈਡੀਕਲ ਅਫ਼ਸਰ ਡਾ. ਦੀਨਾ ਹਿੰਸ਼ਾ ਨੇ ਕਿਹਾ ਕਿ ਕੋਵਿਡ-19 ਦੇ ਮਾਮਲਿਆਂ ‘ਚ ਰੋਜ਼ਾਨਾ ਵਾਧਾ ਹੋ ਰਿਹਾ ਹੈ। ਅਲਬਰਟਾ ਦੇ ਕੁਲ ਕੇਸਾਂ ‘ਚੋਂ 70% ਕੇਸ ਕੈਲਗਰੀ ‘ਚੋਂ ਹੀ ਹਨ। ਕੈਲਗਰੀ ਜ਼ੋਨ ‘ਚ ਕੁਲ 1673 ਕੇਸ ਹੁਣ ਤੱਕ ਸਾਹਮਣੇ ਆ ਚੁੱਕੇ ਹਨ। ਐਡਮਿੰਟਨ ਜ਼ੋਨ ‘ਚ 429, ਸੈਂਟਰਲ ਜ਼ੋਨ ‘ਚ 77, ਸਾਊਥ ਜ਼ੋਨ ‘ਚ 68, ਨਾਰਥ ਜ਼ੋਨ ‘ਚ 135 ਕੇਸ ਅਤੇ 15 ਕੇਸ ਅਗਿਆਤ ਥਾਵਾਂ ਤੋਂ ਹੁਣ ਤੱਕ ਸਾਹਮਣੇ ਆ ਚੁੱਕੇ ਹਨ। ਡਾ. ਹਿੰਸ਼ਾ ਨੇ ਕਿਹਾ ਕਿ ਰਾਹਤ ਦੀ ਖਬਰ ਇਹ ਹੈ ਕਿ ਅੱਜ ਕੋਵਿਡ-19 ਕਾਰਨ ਸੂਬੇ ‘ਚ ਕੋਈ ਮੌਤ ਨਹੀਂ ਹੋਈ।