ਅਲਬਰਟਾ – ਅਲਬਰਟਾ ਸਰਕਾਰ ਨੇ ਬੀਤੇ ਦਿਨੀਂ ਸੂਬੇ ਵਿਚ ਵੈਕਸੀਨ ਪਾਸਪੋਰਟ ਲਾਗੂ ਕਰਨ ਦਾ ਫੈਸਲਾ ਕੀਤਾ ਹੈ ਜਿਸ ਤੋਂ ਬਾਅਦ ਸੂਬੇ ਵਿਚ ਵੈਕਸੀਨੇਸ਼ਨ ’ਚ ਵਾਧਾ ਦੇਖਣ ਨੂੰ ਮਿਲਿਆ। ਸੂਬੇ ਦੇ ਸਿਹਤ ਮੰਤਰਾਲੇ ਨੇ ਸ਼ੁੱਕਰਵਾਰ ਦੁਪਹਿਰ ਨੂੰ ਐਲਾਨ ਕੀਤਾ ਕਿ ਅਲਬਰਟਾ ਨੇ ਵੀਰਵਾਰ ਨੂੰ ਵੈਕਸੀਨ ਦੀ 28158 ਖੁਰਾਕਾਂ ਦਿੱਤੀਂ ਜੋ ਕਿ ਇਕ ਦਿਨ ਪਹਿਲਾਂ 9750 ਸ਼ਾਟਸ ਤੋਂ ਵੱਧ ਸੀ ਜੋ ਕਿ 189 ਫੀਸਦੀ ਵੱਧ ਸੀ। ਇਹ 22 ਜੁਲਾਈ ਦੇ ਬਾਅਦ ਇਕ ਦਿਨ ਵਿਚ ਸਭ ਤੋਂ ਵੱਧ ਸ਼ਾਟਸ ਹਨ। ਅਲਬਰਟਾ ਨੇ ਸ਼ਾਇਦ ਹੀ ਕਦੇ ਇਕ ਦਿਨ ਵਿਚ 10 ਹਜ਼ਾਰ ਤੋਂ ਵੱਧ ਟੀਕਾਕਰਨ ਪੂਰਾ ਕੀਤਾ ਹੈ।