ਐਸ.ਏ.ਐਸ ਨਗਰ – ਮਹੰਤ ਦੀ ਗੱਦੀ ਨੂੰ ਲੈ ਕੇ ਕਿੰਨਰਾਂ ਦੇ ਦੋ ਧੜਿਆਂ ਦੀ ਲੜਾਈ ‘ਚ ਇਕ ਧੜੇ ਦੇ ਦੋ ਜ਼ਖ਼ਮੀ ਕਿੰਨਰਾਂ ਤਾਨੀਆ ਮਹੰਤ ਅਤੇ ਜਸਪ੍ਰੀਤ ਨੇ ਉਨ੍ਹਾਂ ‘ਤੇ ਹਮਲਾ ਕਰਨ ਵਾਲਿਆਂ ਨੂੰ ਗ੍ਰਿਫ਼ਤਾਰ ਨਾ ਕਰਨ ਅਤੇ ਬਣਦੀਆਂ ਧਾਰਾਵਾਂ ਨਾ ਲਾਉਣ ਦਾ ਦੋਸ਼ ਸਥਾਨਕ ਥਾਣਾ ਖਰੜ ਦੀ ਪੁਲਿਸ ‘ਤੇ ਲਾਇਆ ਹੈ। ਇਸ ਸਬੰਧੀ ਪੂਜਾ ਮਹੰਤ ਧੜੇ ਨੇ ਪੁਲਿਸ ਵੱਲੋਂ ਯੋਗ ਕਾਰਵਾਈ ਨਾ ਕਰਨ ਕਾਰਨ ਜ਼ਿਲ੍ਹਾ ਪੁਲਿਸ ਮੁਖੀ ਨੂੰ ਮਿਲ ਕੇ ਇਨਸਾਫ ਦੀ ਗੁਹਾਰ ਲਗਾਉਂਦਿਆਂ ਕਿਹਾ ਹੈ ਕਿ ਉਨ੍ਹਾਂ ‘ਤੇ ਹਮਲਾ ਕਰਨ ਵਾਲੇ ਜਿੱਥੇ ਸ਼ਰ੍ਹੇਆਮ ਘੁੰਮ ਰਹੇ ਹਨ ਉਥੇ ਉਹ ਉਨ੍ਹਾਂ ਨੂੰ ਧਮਕੀ ਵੀ ਦੇ ਰਹੇ ਹਨ। ਪੂਜਾ ਮਹੰਤ ਦਾ ਸਿੱਧੇ ਤੌਰ ‘ਤੇ ਜੋਤੀ ਮਹੰਤ ‘ਤੇ ਦੋਸ਼ ਹੈ ਕਿ ਜੋਤੀ ਮਹੰਤ ਸਮੇਤ ਪੰਦਰਾਂ ਸੋਲ਼ਾਂ ਮੁਲਜ਼ਮਾਂ ਖਿਲਾਫ ਮਾਮਲਾ ਦਰਜ ਹੋਣ ਤੋਂ ਬਾਅਦ ਵੀ ਜੋਤੀ ਉਨ੍ਹਾਂ ਦੀ ਗੱਦੀ ਹਥਿਆਉਣ ਦੀਆਂ ਕੋਝੀਆਂ ਚਾਲਾਂ ਚੱਲ ਰਹੀ ਹੈ।
ਮਹੰਤ ਦੀ ਗੱਦੀ ਨੂੰ ਲੈ ਕੇ ਕਿੰਨਰਾਂ ਦੇ ਦੋ ਧੜਿਆਂ ਦੀ ਲੜਾਈ
