ਬੀਤੇ ਦਿਨੀ ਸੋਨੀਪਤ ਵਿਖੇ ਤੀਰਅੰਦਾਜ਼ੀ ਦੀ ਭਾਰਤੀ ਟੀਮ ਦੀ ਚੋਣ ਲਈ ਟਰਾਇਲ ਹੋਏ, ਜਿਸ ’ਚ ਮਾਲਵਾ ਆਰਚਰੀ ਅਕੈਡਮੀ ਗਿੱਦਡ਼ਬਾਹਾ ਦੀ ਖਿਡਾਰਣ ਅਵਨੀਤ ਕੌਰ ਸਿੱਧੂ ਪੁੱਤਰੀ ਅਰਵਿੰਦਰ ਸਿੰਘ ਸਿੱਧੂ ਵਾਸੀ ਪਿੰਡ ਸਰਦਾਰਗਡ਼੍ਹ ਜ਼ਿਲ੍ਹਾ ਬਠਿੰਡਾ ਨੇ ਭਾਰਤੀ ਟੀਮ ਵਿਚ ਪਹਿਲਾ ਸਥਾਨ ਹਾਸਲ ਕੀਤਾ। ਹੁਣ ਅਵਨੀਤ ਆਉਣ ਵਾਲੇ ਦਿਨਾਂ ਵਿਚ ਵਰਲਡ ਕੱਪ ਸਟੇਜ 1 ਅੰਟਾਲਿਆ ਟਰਕੀ ਅਤੇ ਵਰਲਡ ਕੱਪ ਸਟੇਜ 2 ਦੱਖਣ ਕੋਰੀਆ ਨਾਲ ਭਾਰਤੀ ਟੀਮ ਦਾ ਪ੍ਰਤਿਨਿਧਤਾ ਕਰੇਗੀ।
ਕੋਚ ਡਾ. ਨਿਸ਼ਾ ਤੋਮਰ ਸਿੱਧੂ ਨੇ ਦੱਸਿਆ ਕਿ ਅਵਨੀਤ ਕੌਰ ਸਾਡੀ ਅਕੈਡਮੀ ਦੀ ਪਹਿਲੀ ਇੰਟਰਨੈਸ਼ਨਲ ਖਿਡਾਰੀ ਬਣਨ ਜਾ ਰਹੀ ਹੈ। ਸਾਬਕਾ ਮੁੱਖ ਮੰਤਰੀ ਪ੍ਰਕਾਸ਼ ਸਿੰਘ ਬਾਦਲ ਨੇ ਫੋਨ ਕਰਕੇ ਅਵਨੀਤ ਅਤੇ ਉਸਦੇ ਕੋਚ ਡਾ. ਨਿਸ਼ਾ ਤੋਮਰ ਸਿੱਧੂ ਅਮਰਿੰਦਰ ਸਿੰਘ ਪਟਵਾਰੀ ਤੇ ਮਨਪ੍ਰੀਤ ਸਿੰਘ ਅਤੇ ਮਾਪਿਆਂ ਨੂੰ ਵਧਾਈਆ ਦਿੱਤੀਆਂ ।