ਓਕਵਿੱਲ ਦੇ ਘਰ ਵਿੱਚ ਲੱਗੀ ਜ਼ਬਰਦਸਤ ਅੱਗ

ਓਕਵਿੱਲ,   : ਵੀਰਵਾਰ ਸਵੇਰੇ ਓਕਵਿੱਲ ਵਿੱਚ ਉਸਾਰੀ ਅਧੀਨ ਇੱਕ ਘਰ ਵਿੱਚ ਅੱਗ ਲੱਗ ਗਈ ਤੇ ਸਾਰਾ ਘਰ ਤਬਾਹ ਹੋ ਗਿਆ।
ਓਕਵਿੱਲ ਫਾਇਰ ਵਿਭਾਗ ਨੇ ਦੱਸਿਆ ਕਿ ਇਸ ਅੱਗ ਲੱਗਣ ਦੀ ਘਟਨਾ ਦਾ ਪਤਾ ਸਵੇਰੇ 7:30 ਵਜੇ ਲੱਗਿਆ। ਇਹ ਘਰ ਲੇਕਸ਼ੋਰ ਤੇ ਫੋਰਥ ਲਾਈਨ ਇਲਾਕੇ ਵਿੱਚ ਵੁੱਡ ਪਲੇਸ ਉੱਤੇ ਸਥਿਤ ਹੈ। ਪੁਲਿਸ ਦਾ ਕਹਿਣਾ ਹੈ ਕਿ ਇਹ ਘਰ ਅਜੇ ਬਣ ਰਿਹਾ ਸੀ ਤੇ ਗੁਆਂਢੀਆਂ ਨੇ ਆਖਿਆ ਕਿ ਇਸ ਘਰ ਵਿੱਚ ਪਿਛਲੇ ਦੋ ਸਾਲ ਤੋਂ ਕੋਈ ਨਹੀਂ ਰਹਿ ਰਿਹਾ।
ਅੱਗ ਫੈਲਣ ਤੋਂ ਬਾਅਦ ਨੇੜਲੇ ਘਰਾਂ ਨੂੰ ਖਾਲੀ ਕਰਵਾ ਲਿਆ ਗਿਆ ਤੇ ਅਧਿਕਾਰੀਆਂ ਨੇ ਦੱਸਿਆ ਕਿ ਇਸ ਘਟਨਾ ਵਿੱਚ ਕੋਈ ਜ਼ਖ਼ਮੀ ਨਹੀਂ ਹੋਇਆ।