Entertainment

ਅੰਤਰਰਾਸ਼ਟਰੀ ਲੋਕ ਗਾਇਕਾ ਮਮਤਾ ਸ੍ਰੀਵਾਸਤਵ ਦੇ ਨਵੇਂ ਸੂਫੀ ਗੀਤ ਝਾਂਜਰ ਦੀਆਂ ਤਿਆਰੀਆਂ ਜ਼ੋਰਾਂ ਤੇ

ਅੱਜ ਪੰਜਾਬੀ ਗੀਤਾਂ ਦਾ ਮਿਆਰ ਇੰਨਾ ਡਿੱਗ ਪਿਆ ਹੈ, ਕਿ ਇਨ੍ਹਾਂ ਨੇ ਸੱਚੇ ਸੁੱਚੇ ਰਿਸ਼ਤਿਆਂ ਦਾ ਘਾਣ ਕਰਕੇ ਰੱਖ ਦਿੱਤਾ ਹੈ । ਨਿੱਤ ਦਿਨ ਨਵੇਂ ਨਵੇਂ ਗਾਇਕ ਸੰਗੀਤ ਖੇਤਰ ਜਾ ਰਹੇ ਹਨ । ਜਿਨ੍ਹਾਂ ਵਿੱਚੋਂ ਬਹੁਤ ਸਾਰੇ ਕਲਾਕਾਰਾਂ ਨੂੰ ਸੰਗੀਤ ਦੀ ਜਾਣਕਾਰੀ ਹੀ ਨਹੀਂ ਹੈ । ਅਜਿਹੇ ਬੇਸੁਰੇ ਕਲਾਕਾਰਾਂ ਨੇ ਸੰਗੀਤ ਦੀ ਮਹੱਤਤਾ ਨੂੰ ਗ੍ਰਹਿਣ ਲਗਾ ਰੱਖਿਆ ਹੈ । ਕੁਝ ਕਲਾਕਾਰ ਲੰਬੇ ਸਮੇਂ ਤੋਂ ਪੰਜਾਬੀ ਸੱਭਿਆਚਾਰ ਨੂੰ ਪ੍ਰਫੁੱਲਤ ਕਰਨ ਲਈ ਗੀਤ ਗਾ ਰਹੇ ਹਨ। ਅਜਿਹੇ ਹੀ ਇੱਕ ਨਾਮ ਸਿਖ਼ਰਲੇ ਸਥਾਨ ਤੇ ਆਉਂਦਾ ਹੈ । ਅੰਤਰਰਾਸ਼ਟਰੀ ਪ੍ਰਸਿੱਧ ਲੋਕ ਗਾਇਕਾ ਮਮਤਾ ਸ੍ਰੀਵਾਸਤਵ ਦਾ। ਲੋਕ ਗਾਇਕਾ ਮਮਤਾ ਸ੍ਰੀਵਾਸਤਵ ਜਿੱਥੇ ਸੂਫ਼ੀਆਨਾ ਗਾਇਕੀ ਨੂੰ ਪੂਰੇ ਸੁਰਾਂ ਵਿੱਚ ਗਾਉਣ ਦੀ ਮੁਹਾਰਤ ਰੱਖਦੀ ਹੈ। ਉੱਥੇ ਹੀ ਆਪਣੇ ਗੀਤਾਂ ਨੂੰ ਬੌਲੀਵੁੱਡ ਟੱਚ ਰਾਹੀਂ ਇਕ ਨਵੀਂ ਰੰਗਤ ਨਾਲ ਪੇਸ਼ ਕਰਦੀ ਹੈ। ਇਸ ਸੁਰਾਂ ਦੀ ਸੁਰੀਲੀ ਅੰਤਰਰਾਸ਼ਟਰੀ ਪ੍ਰਸਿੱਧ ਲੋਕ ਗਾਇਕਾ ਮਮਤਾ ਸ੍ਰੀਵਾਸਤਵ ਦਾ ਨਵਾਂ ਸੂਫੀ ਗੀਤ ਝਾਂਜਰ ਦੀਆਂ ਤਿਆਰੀਆਂ ਵੱਡੇ ਪੱਧਰ ਤੇ ਚੱਲ ਰਹੀਆਂ ਹਨ। ਇਸ ਗੀਤ ਨੂੰ ਪ੍ਰਸਿੱਧ ਵੀਡੀਓ ਡਾਇਰੈਕਟਰ ਰਣਜੀਤ ਉਪਲ ਨੇ ਹਿਮਾਚਲ ਪ੍ਰਦੇਸ਼ ਦੀਆਂ ਖੂਬਸੂਰਤ ਵਾਦੀਆਂ ਵਿੱਚ ਫਿਲਮ ਫਿਲਮਾਇਆ ਹੈ ਤੇ ਗੀਤ ਨੂੰ ਕਲਮਬੰਦ ਪ੍ਰਸਿੱਧ ਗੀਤਕਾਰ ਰਾਜਵੀਰ ਸਮਰਾ ਏਕਲ ਗੱਡਾ ਤੇ ਉੱਘੇ ਸੰਗੀਤਕਾਰ ਵਿਨੈ ਕਮਲ ਨੇ ਸੰਗੀਤਕ ਧੁਨਾਂ ਵਿੱਚ ਪਰੋਇਆ ਹੈ। ਇਸ ਗੀਤ ਸਬੰਧੀ ਜਾਣਕਾਰੀ ਦਿੰਦਿਆਂ ਹੋਇਆ ਗੀਤ ਦੇ ਗੀਤਕਾਰ ਤੇ ਨਿਰਮਾਤਾ ਰਾਜਵੀਰ ਸਮਰਾ ਨੇ ਦੱਸਿਆ ਕਿ ਗੀਤ ਝਾਂਜਰ ਨੂੰ ਸਰੋਤਿਆਂ ਦੀ ਪਹਿਲੀ ਪਸੰਦ ਬਣਾਉਣ ਵਿੱਚ ਕੇ ਐੱਸ ਕੰਗ, ਰਮਨ ਪੰਨੂ, ਸੁਰਿੰਦਰ ਸਿੰਘ ਜੱਜ , ਜਸਕਰਨ ਜੋਹਲ, ਰਣਜੀਤ ਸਿੰਘ ਵੜੈਚ ਆਦਿ ਦਾ ਬਹੁਤ ਸਹਿਯੋਗ ਹੈ। ਉਨ੍ਹਾਂ ਨੇ ਕਿਹਾ ਕਿ ਇਸ ਗੀਤ ਨੂੰ ਗੋਲਡਨ ਵਿਰਸਾ ਯੂ ਕੇ ਮਿਊਜ਼ਿਕ ਕੰਪਨੀ ਹਰ ਵਾਰ ਦੀ ਤਰ੍ਹਾਂ ਸੰਸਾਰ ਪੱਧਰ ਤੇ ਵੱਖ ਵੱਖ ਚੈਨਲਾਂ ਤੇ ਰਿਲੀਜ਼ ਕਰੇਗੀ ।

Related posts

ਜਦੋਂ ਵਾਲਾਂ ਕਾਰਨ ਸ਼ਾਹਰੁਖ ਦੇ ਹੱਥੋਂ ਖਿਸਕਣ ਵਾਲੀ ਸੀ ਪਹਿਲੀ ਫਿਲਮ ਤਾਂ ਇਸ ਵਿਅਕਤੀ ਨੇ ਲਾਇਆ ਬੇੜਾ ਪਾਰ

Gagan Oberoi

Sonali Phogat Death: ਬੀਜੇਪੀ ਨੇਤਾ ਤੇ ਅਦਾਕਾਰਾ ਸੋਨਾਲੀ ਫੋਗਾਟ ਦੀ ਗੋਆ ‘ਚ ਦਿਲ ਦਾ ਦੌਰਾ ਪੈਣ ਨਾਲ ਮੌਤ, ਸਮਰਥਕਾਂ ‘ਚ ਸੋਗ ਦੀ ਲਹਿਰ

Gagan Oberoi

Justin Bieber suspends World Tour : ਫਿਰ ਵਿਗੜੀ ਜਸਟਿਨ ਬੀਬਰ ਦੀ ਤਬੀਅਤ, ਭਾਰਤ ਆਉਣਾ ਹੋਇਆ ਮੁਸ਼ਕਲ

Gagan Oberoi

Leave a Comment