Canada

ਅਲਬਰਟਾ ‘ਚ ਤੰਬਾਕੂਨੋਸ਼ੀ ਦੇ ਨਿਯਮ ਬਦਲ ਸਬੰਧੀ ਬਿਲ ਪੇਸ਼

ਕੈਲਗਰੀ : ਬੀਤੇ ਸਾਲ 2019 ਦੇ ਅਖੀਰ ‘ਚ ਅਲਬਰਟਾ ਸਰਕਾਰ ਵਲੋਂ ਤੰਬਾਕੂਨੋਸ਼ੀ ਦੇ ਕਾਨੂੰਨਾਂ ‘ਚ ਫੇਰਬਦਲ ਦੀ ਘੋਸ਼ਣਾ ਕੀਤੀ ਗਈ ਸੀ। ਹੁਣ ਅਲਬਰਟਾ ਸਰਕਾਰ ਨੇ ਇੱਕ ਬਿਲ ਪੇਸ਼ ਕੀਤਾ ਹੈ ਜਿਸ ‘ਚ ਈ-ਸਿਗਰਟਨੋਸ਼ੀ ਸਬੰਧੀ ਨਿਯਮ ਬਦਲ ਦੀ ਗੱਲ ਕਹੀ ਗਈ ਹੈ। ਸਿਹਤ ਮੰਤਰੀ ਟਾਈਲਰ ਸ਼ੈਂਡਰੋ ਦਾ ਕਹਿਣਾ ਹੈ ਕਿ ਕੋਵਿਡ-19 ਤੋਂ ਬਾਅਦ ਤੰਬਾਕੂਨੋਸ਼ੀ ਦੇ ਨਿਯਮ ਬਦਲਾ ਸਮੇਂ ਦੀ ਲੋੜ ਹੈ। ਈ-ਸਿਗਰਟ ਦੇ ਵੱਧਦੇ ਰੁਝਾਨ ਨਾਲ ਚਿੰਤਾਵਾਂ ‘ਚ ਵੀ ਵਾਧਾ ਹੋ ਰਿਹਾ ਹੈ, ਇਸ ਦੀ ਵਰਤੋਂ ਨੂੰ ਸੀਮਤ ਕਰਨਾ ਅਤੇ ਇਸ ਸਬੰਧੀ ਵਿਗਿਆਪਨਾਂ ਨੂੰ ਵੀ ਬੰਦ ਕਰਨ ਦੀ ਕੋਸ਼ਿਸ਼ ਕੀਤੀ ਜਾ ਰਹੀ ਹੈ। ਜ਼ਿਕਰਯੋਗ ਹੈ ਕਿ ਕਈ ਅਧਿਐਨਾਂ ‘ਚ ਵੀ ਇਹ ਗੱਲ ਦਾ ਪਤਾ ਲੱਗਾ ਹੈ ਕਿ ਤੰਬਾਕੂਨੋਸ਼ੀ ਜਾਂ ਈ-ਸਿਗਰਟ ਦਾ ਇਸਤੇਮਾਲ ਕਰਨ ਵਾਲੇ ਕੋਵਿਡ-19 ਤੋਂ ਜ਼ਿਆਦਾ ਪ੍ਰਭਾਵਿਤ ਹੋ ਰਹੇ ਹਨ। ਭਾਵੇਂ ਅਲਬਰਟਾ ‘ਚ ਬਾਕੀ ਕੈਨੇਡਾ ਦੇ ਸੂਬਿਆਂ ਨਾਲੋਂ ਕੀਮਤਾਂ ਜ਼ਿਆਦਾ ਹਨ ਪਰ ਫਿਰ ਵੀ ਇੱਕ ਰਿਪੋਰਟ ‘ਚ ਖੁਲਾਸਾ ਹੋਇਆ ਹੈ ਕਿ ਸੂਬੇ ‘ਚ ਗ੍ਰੇਡ -10 ਤੋਂ 12 ਦੇ ਵਿਦਿਆਰਥੀ ਈ-ਸਿਗਰਟ ਵਰਤੋਂ ਬਹੁਤ ਜ਼ਿਆਦਾ ਕਰਨ ਲੱਗੇ ਹਨ। 2015 ਇਹ ਅੰਕੜਾ 8% ਸੀ ਜੋ ਕਿ 2019 ‘ਚ ਵੱਧ ਕੇ 30% ਹੋ ਗਿਆ ਹੈ। ਜਿਸ ਕਾਰਨ ਹੁਣ ਤੰਬਾਕੂਨੋਸ਼ੀ ਸਬੰਧੀ ਨਿਯਮ ਬਦਲੇ ਜਾ ਸਕਦੇ ਹਨ। ਸ਼ੈਂਡਰੋ ਨੇ ਕਿਹਾ ਕਿ ਜੋ ਵੀ ਈ-ਸਿਗਰਟ ਖਰੀਦਦਾ ਹੈ ਤਾਂ ਇਸ ਗੱਲ ਨੂੰ ਯਕੀਨੀ ਬਣਾਇਆ ਜਾਵੇਗਾ ਕਿ ਉਸ ਦੀ ਉਮਰ 25 ਸਾਲ ਤੋਂ ਘੱਟ ਨਾ ਹੋਵੇ ਅਤੇ ਤੰਬਾਕੂ ਜਾਂ ਸ਼ਰਾਬ ਦੀ ਖਰੀਦਦਾਰੀ ਸਮੇਂ ਆਈ.ਡੀ. ਪਰੂਫ਼ ਦੇਣਾ ਵੀ ਲਾਜ਼ਮੀ ਕੀਤਾ ਜਾਵੇਗਾ। ਨਵੇਂ ਨਿਯਮਾਂ ਅਨੁਸਾਰ ਜੇਕਰ ਕੋਈ ਕਾਨੂੰਨ ਦੀ ਉਲੰਘਨਾ ਕਰਦਾ ਜਾਂ ਨਬਾਲਗਾਂ ਨੂੰ ਤੰਬਾਕੂ ਜਾਂ ਈ-ਸਿਗਰੇਟ ਦੀ ਸਪਲਾਈ ਕਰਦਾ ਹੈ ਤਾਂ ਉਸ ਨੂੰ ਭਾਰੀ ਜ਼ੁਰਮਾਨੇ ਕੀਤੇ ਜਾਣਗੇ।

Related posts

ਉਸਾਰੀ ਕਾਰਨ ਜਨਵਰੀ ਵਿੱਚ ਬੰਦ ਕਰ ਦਿੱਤਾ ਜਾਵੇਗਾ ਅਲੈਗਜ਼ੈਂਡਰਾ ਬ੍ਰਿੱਜ

Gagan Oberoi

ਮੌਂਟਰੀਅਲ ਦੇ ਕਾਲਜਾਂ ਨੇ ਦੀਵਾਲੀਆਪਣ ਦਿਖਾ ਕੇ ਸੈਂਕੜੇ ਵਿਦਿਆਰਥੀਆਂ ਨਾਲ ਕੀਤੀ ਵੱਡੀ ਧੋਖਾਧੜੀ

Gagan Oberoi

ਮੰਗਾਂ ਨਾ ਮੰਨੇ ਜਾਣ ਉੱਤੇ ਬਜਟ ਬਿੱਲ ਨੂੰ ਆਸਾਨੀ ਨਾਲ ਪਾਸ ਨਹੀਂ ਹੋਣ ਦੇਵਾਂਗੇ : ਪੌਲੀਏਵਰ

Gagan Oberoi

Leave a Comment