ਅਸ਼ਾਂਤ ਬਲੋਚਿਸਤਾਨ ਸੂਬੇ ਦੇ ਤੱਟਵਰਤੀ ਸ਼ਹਿਰ ਗਵਾਦਰ ਵਿੱਚ ਇੱਕ ਬੰਬ ਹਮਲੇ ਵਿੱਚ ਪਾਕਿਸਤਾਨ ਦੇ ਸੰਸਥਾਪਕ ਮੁਹੰਮਦ ਅਲੀ ਜਿਨਾਹ ਦੇ ਇੱਕ ਬੁੱਤ ਨੂੰ ਬਲੋਚ ਅਤਿਵਾਦੀਆਂ ਨੇ ਤਬਾਹ ਕਰ ਦਿੱਤਾ ਹੈ। ਡਾਨ ਨੇ 27 ਸਤੰਬਰ ਨੂੰ ਦੱਸਿਆ ਕਿ ਜੂਨ ਵਿੱਚ ਮਰੀਨ ਡਰਾਈਵ ਵਿੱਚ ਸਥਾਪਤ ਕੀਤੇ ਬੁੱਤੇ ਦੇ ਹੇਠਾਂ ਰੱਖੇ ਵਿਸਫੋਟਕਾਂ ਨਾਲ ਉਡਾ ਦਿੱਤਾ ਗਿਆ। ਇਸ ਵਿੱਚ ਅੱਗੇ ਕਿਹਾ ਗਿਆ ਕਿ ਧਮਾਕੇ ਵਿੱਚ ਮੂਰਤੀ ਪੂਰੀ ਤਰ੍ਹਾਂ ਤਬਾਹ ਹੋ ਗਈ। ਪਾਬੰਦੀਸ਼ੁਦਾ ਅੱਤਵਾਦੀ ਸੰਗਠਨ ਬਲੋਚ ਰਿਪਬਲਿਕਨ ਆਰਮੀ ਦੇ ਬੁਲਾਰੇ ਬੱਬਰ ਬਲੋਚ ਨੇ ਟਵਿੱਟਰ ‘ਤੇ ਧਮਾਕੇ ਦੀ ਜ਼ਿੰਮੇਵਾਰੀ ਲਈ ਹੈ।
2013 ਵਿੱਚ, ਬਲੋਚ ਅੱਤਵਾਦੀਆਂ ਨੇ ਜਿਨਾਹ ਦੁਆਰਾ ਵਰਤੀ ਗਈ 121 ਸਾਲ ਪੁਰਾਣੀ ਇਮਾਰਤ ਨੂੰ ਜ਼ਿਆਰਤ ਵਿਖੇ ਧਮਾਕੇ ਨਾਲ ਉਡਾ ਦਿੱਤਾ ਅਤੇ ਇਸ ਨੂੰ ਗੋਲੀਆਂ ਨਾਲ ਭੁੰਨ ਦਿੱਤਾ, ਜਿਸ ਨਾਲ ਚਾਰ ਘੰਟਿਆਂ ਤੱਕ ਭਿਆਨਕ ਅੱਗ ਲੱਗੀ। ਫਰਨੀਚਰ ਅਤੇ ਯਾਦਗਾਰਾਂ ਨਸ਼ਟ ਹੋ ਗਈਆਂ। ਜਿਨਾਹ ਨੇ ਆਪਣੀ ਜ਼ਿੰਦਗੀ ਦੇ ਆਖ਼ਰੀ ਦਿਨ ਉੱਥੇ ਬਿਤਾਏ ਕਿਉਂਕਿ ਉਹ ਟੀਬੀ ਤੋਂ ਪੀੜਤ ਸਨ। ਇਸ ਨੂੰ ਬਾਅਦ ਵਿੱਚ ਰਾਸ਼ਟਰੀ ਸਮਾਰਕ ਘੋਸ਼ਿਤ ਕੀਤਾ ਗਿਆ।