Canada Entertainment FILMY Health india International National News Punjab Sports Video

ਬੱਸ ਵਿੱਚੋਂ ਉਤਰਨ ਸਮੇਂ ਸੜਕ ’ਤੇ ਡਿੱਗੀ ਲੜਕੀ

ਇੱਥੇ ਸਰਕਾਰੀ ਸਕੂਲ ਨੇੜੇ ਬੱਸ ਅੱਡੇ ’ਤੇ ਚੱਲਦੀ ਬੱਸ ਵਿੱਚੋਂ ਉਤਰਨ ਸਮੇਂ ਇੱਕ ਲੜਕੀ ਥੱਲੇ ਡਿੱਗ ਗਈ। ਮੌਕੇ ’ਤੇ ਮੌਜੂਦ ਲੜਕੀ ਦੇ ਰਿਸ਼ਤੇਦਾਰ ਵੱਲੋਂ ਡਰਾਈਵਰ ਨਾਲ ਧੱਕਾ-ਮੁੱਕੀ ਹੋਣ ਮਗਰੋਂ ਭੜਕੇ ਹੋਏ ਪੈਪਸੂ ਰੋਡਵੇਜ਼ ਦੇ ਡਰਾਈਵਰ ਨੇ ਬੱਸ ਸੜਕ ਵਿਚਾਲੇ ਖੜ੍ਹਾ ਦਿੱਤੀ। ਦੋਵੇਂ ਪਾਸਿਉਂ ਆਈਆਂ ਪੈਪਸੂ ਦੀਆਂ ਹੋਰ ਬੱਸਾਂ ਦੇ ਡਰਾਈਵਰਾਂ ਨੇ ਵੀ ਬੱਸਾਂ ਸੜਕ ਵਿਚਾਲੇ ਲਗਾ ਦਿੱਤੀਆਂ।

ਗਿਆਰਾਂ ਵਜੇ ਕੌਮੀ ਮਾਰਗ ’ਤੇ ਕਰੀਬ ਅੱਧੇ ਘੰਟੇ ਲਈ ਲੱਗੇ ਜਾਮ ਕਾਰਨ ਸੜਕ ਦੇ ਦੋਵੇਂ ਪਾਸੇ ਵਾਹਨਾਂ ਦੀਆਂ ਲੰਬੀਆਂ ਕਤਾਰਾਂ ਲੱਗ ਗਈਆਂ। ਮੌਕੇ ’ਤੇ ਪਹੁੰਚੇ ਥਾਣਾ ਬਨੂੜ ਮੁਖੀ ਗੁਰਸੇਵਕ ਸਿੰਘ ਸਿੱਧੂ ਨੇ ਦੋਵੇਂ ਧਿਰਾਂ ਨੂੰ ਸਮਝਾ ਕੇ ਜਾਮ ਖੁੱਲ੍ਹਵਾਇਆ।

ਬੱਸ ਵਿੱਚੋਂ ਡਿੱਗੀ ਮਨਵੀਰ ਕੌਰ ਨੇ ਦੱਸਿਆ ਕਿ ਉਹ ਆਪਣੀ ਭੈਣ ਸਰਗੁਨ ਵਾਸੀ ਪਟਿਆਲਾ ਨਾਲ ਬੱਸ ਵਿੱਚ ਬਨੂੜ ਆ ਰਹੀ ਸੀ। ਬਨੂੜ ਅੱਡੇ ’ਤੇ ਉਸ ਦੀ ਭੈਣ ਸਰਗੁਨ ਬੱਸ ’ਚੋਂ ਉਤਰ ਗਈ ਤੇ ਜਦੋਂ ਉਹ ਉਤਰਨ ਲੱਗੀ ਤਾਂ ਡਰਾਈਵਰ ਨੇ ਬੱਸ ਚਲਾ ਦਿੱਤੀ ਜਿਸ ਕਾਰਨ ਉਹ ਸੜਕ ’ਤੇ ਡਿੱਗ ਪਈ। ਉੱਥੇ ਮੌਜੂਦ ਲੜਕੀਆਂ ਦਾ ਰਿਸ਼ਤੇਦਾਰ ਡਰਾਈਵਰ ਨਾਲ ਬਹਿਸ ਕਰਨ ਲੱਗ ਪਿਆ ਤੇ ਹੱਥੋਪਾਈ ਹੋ ਗਈ।

ਬੱਸ ਡਰਾਈਵਰ ਕੁਲਵਿੰਦਰ ਸਿੰਘ ਨੇ ਦੱਸਿਆ ਕਿ ਉਸ ਨੇ ਬਨੂੜ ਅੱਡੇ ਸਵਾਰੀਆਂ ਉਤਾਰ ਕੇ ਬੱਸ ਚਲਾ ਦਿੱਤੀ। ਇਸ ਮਗਰੋਂ ਦੋਵੇਂ ਲੜਕੀਆਂ ਉੱਠ ਕੇ ਚਲਦੀ ਬੱਸ ’ਚੋਂ ਹੇਠਾਂ ਉੱਤਰ ਗਈਆਂ।

ਥਾਣਾ ਮੁਖੀ ਗੁਰਸੇਵਕ ਸਿੰਘ ਸਿੱਧੂ ਨੇ ਬੱਸ ਡਰਾਈਵਰ ਤੇ ਪੀੜਤ ਲੜਕੀਆਂ ਨੂੰ ਸਮਝਾਇਆ ਤੇ ਬਣਦੀ ਕਾਰਵਾਈ ਦਾ ਭਰੋਸਾ ਦਿੱਤਾ। ਇਸ ਮਗਰੋਂ ਬੱਸ ਡਰਾਈਵਰਾਂ ਨੇ ਜਾਮ ਖੋਲ੍ਹਿਆ।

Related posts

ਕਲਯੁਗੀ ਮਾਂ ਨੇ 6 ਮਹੀਨੇ ਦੇ ਬੱਚੇ ਦੀ ਗਲਾ ਘੋਂਟ ਕੇ ਕਰ ਦਿੱਤੀ ਹੱਤਿਆ

Gagan Oberoi

ਪੰਜਾਬ ਦੇ ਮੁੱਖ ਮੰਤਰੀ ਭਗਵੰਤ ਮਾਨ ਨੇ ਪਤਨੀ ਗੁਰਪ੍ਰੀਤ ਕੌਰ ਨਾਲ ਮਨਾਈ ਪਹਿਲੀ ਦੀਵਾਲੀ, ਟਵਿੱਟਰ ‘ਤੇ ਸ਼ੇਅਰ ਕੀਤੀਆਂ ਤਸਵੀਰਾਂ

Gagan Oberoi

Amitabh Bachchan Birthday : ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਨੇ ਅਮਿਤਾਭ ਬੱਚਨ ਨੂੰ ਸਿਹਤਮੰਦ ਜੀਵਨ ਦੀਆਂ ਦਿੱਤੀਆਂ ਸ਼ੁਭਕਾਮਨਾਵਾਂ

Gagan Oberoi

Leave a Comment