ਨਵੀਂ ਦਿੱਲੀ : ਕਨਿਕਾ ਕਪੂਰ, ਜਿਸ ਨੇ ਆਪਣੇ ਗੀਤਾਂ ਨਾਲ ਸਾਰਿਆਂ ਨੂੰ ਆਪਣਾ ਦੀਵਾਨਾ ਬਣਾਇਆ, ਨੂੰ ਕੋਰੋਨਾ ਵਾਇਰਸ ਹੋ ਗਿਆ ਹੈ. ਇਸ ਦੀ ਪੁਸ਼ਟੀ ਖੁਦ ਕਨਿਕਾ ਨੇ ਵੀ ਕੀਤੀ ਹੈ। ਤੁਹਾਨੂੰ ਦੱਸ ਦੇਈਏ ਕਿ ਸਾਲ 2012 ਵਿਚ ਉਸ ਨੂੰ ਰਾਤੋ ਰਾਤ ‘ਜੁਗਨੀ ਜੀ’ ਦੇ ਗਾਣੇ ਨਾਲ ਨਾਮ ਖੱਟਿਆ ਸੀ ਅਤੇ ਉਦੋਂ ਤੋਂ ਉਸ ਨੇ ਕਦੇ ਪਿੱਛੇ ਮੁੜ ਕੇ ਨਹੀਂ ਦੇਖਿਆ। ਕਨਿਕਾ ਨੇ ਆਪਣੀ ਸਖ਼ਤ ਆਵਾਜ਼ ਵਿਚ ‘ਬੇਬੀ ਡੌਲ’, ‘ਲਵਲੀ’ ਅਤੇ ‘ਦੇਸੀ ਲੁੱਕ’ ਵਰਗੇ ਗਾਣੇ ਗਾ ਕੇ ਦਰਸ਼ਕਾਂ ਦਾ ਦਿਲ ਜਿੱਤ ਲਿਆ। ਬਾਲੀਵੁਡ ਦੀ ਮਸ਼ਹੂਰ ਗਾਇਕਾ ਕਨਿਕਾ ਕਪੂਰ ਦੀ ਰਿਪੋਰਟ ਵੀ ਪੌਜ਼ੀਟਿਵ ਆਈ ਹੈ। ਕਨਿਕਾ ਕਪੂਰ ਨੂੰ ਲਖਨਊ ਵਿੱਚ ਆਇਸੋਲੇਸ਼ਨ ਵਾਰਡ ਵਿੱਚ ਰੱਖਿਆ ਗਿਆ ਹੈ। ਕੁਝ ਦਿਨ ਪਹਿਲਾਂ ਹੀ ਉਹ ਲੰਡਨ ਤੋਂ ਵਾਪਸ ਆਈ ਸੀ।